Žycharka Rahačova kupiła kvateru sa špijonskaj ručkaj
U nabytaj kvatery haspadyniu čakaŭ siurpryz.
Fota: Dziaržaŭny kamitet sudovych ekśpiertyz
Žycharka Rahačova ŭ žniŭni nabyła na druhasnym rynku kvateru. Pry padrychtoŭcy da ramontu joj na vočy trapiŭsia padazrony pradmiet — mietaličnaja trubka, padobnaja na šarykavuju asadku niezvyčajnaj formy, jakaja była schavanaja za šafaj, paviedamlaje Kamitet sudovych ekśpiertyz
Pra znachodku žančyna paviedamiła ŭ milicyju. Pradmiet kanfiskavali i nakiravali na ekśpiertyzu va ŭpraŭleńnie Kamiteta sudovych ekśpiertyz pa Homielskaj vobłaści.
Sudovymi ekśpiertami było ŭstanoŭlena, što pradmiet vyrableny samarobnym sposabam pa typu «stralajučaj asadki», źjaŭlajecca ručnoj strałkovaj hładkarulnaj ahniastrelnaj zbrojaj, i prydatny dla stralby patronami 5.6ch16R (.22 Long Rifle). Papiaredni ŭładalnik kvatery pamior letaś.