Ci patrebnaja Biełarusi druhaja AES, čynoŭniki vyrašać u 2025 hodzie
Ciapier raspracoŭvajecca technika-ekanamičnaje abhruntavańnie budaŭnictva treciaha enierhabłoka ŭ Astraŭcy abo druhoj AES u Biełarusi.
Dakumient źbirajucca padrychtavać da 2025 hoda, raskazaŭ namieśnik ministra enierhietyki Dzianis Maroz.
Pavodle jaho słoŭ, da taho času čynoŭniki pavinny vyznačycca, ci budavać u Biełarusi druhuju atamnuju stancyju, piša BiełTA.
«My ciapier vyvučajem pierśpiektyvy. Bačym trendy dosyć burnaha rostu spažyvańnia elektryčnaj enierhii. Kali my sumiesna z navukoŭcami pryjdziem da razumieńnia, što hetyja trendy ŭstojlivyja, tady, viadoma, technika-ekanamičnaje abhruntavańnie nam pakaža, nakolki efiektyŭnym moža być albo budaŭnictva novaha enierhabłoka atamnaj stancyi na najaŭnaj placoŭcy, albo stvareńnie jašče adnoj stancyi na novaj placoŭcy», — adznačyŭ Maroz.
Pavodle jaho słoŭ, kančatkovaje rašeńnie pa budaŭnictvie novaj AES pavinna być pryniata paśla padrychtoŭki abhruntavańnia.
Čytajcie taksama:
Druhi enierhabłok Biełaruskaj AES padklučyli da sietki
Amal 70% padtrymali budaŭnictva AES u Kazachstanie — ekzitpoł
U Biełarusi rasściłalisia pierad hiendyrektaram MAHATE. Čamu?