Strymiera Crawly, jaki dastavaŭ palakaŭ u kaściumie hnoma, departavali va Ukrainu
I zabaranili ŭjezd u Šenhienskuju zonu na 10 hadoŭ.
Uładzisłaŭ Aliničenka, jaki kpiŭ z palakaŭ, źniščaŭ u Varšavie mašyny i parušaŭ spakoj u mietro, departavany. U piatnicu jon byŭ zatrymany, a pasiarod nočy byŭ vysłany va Ukrainu, piša Onet.pl.
Pra heta ŭ sacyjalnych sietkach paviedamiŭ namieśnik ministra ŭnutranych spraŭ i administracyi.
Svaju situacyju prakamientavaŭ sam ukrainiec. Jon daŭ zrazumieć, što heta tolki pačatak šumichi vakoł jaho. «Jany robiać mienavita toje, što mnie treba», — napisaŭ jon u telehramie.
Sprečki vakoł Crawly narastali ŭžo niekalki miesiacaŭ. Spačatku biaskryŭdnyja žarty i prytvorstvy hnoma ŭ handlovych halerejach zabaŭlali mnohich, ale praź niekatory čas jon staŭ usich razdražniać.
Paśla hetaha ŭkrainiec pajšoŭ jašče dalej. Apošnim časam jon achvotna ździekavaŭsia z palakaŭ u svaich sacyjalnych sietkach abo arhanizoŭvaŭ pieradačy razam sa svaimi prychilnikami, padčas jakich źniščaŭ aŭtamabili.