Trahiedyja siamji: za šeść hadoŭ na pažarach zahinuli čaćviora dzietak
Chłopčyk dvuch z pałovaj hadoŭ zahinuŭ na pažary ŭ Pietrykaŭskim rajonie.
Na pažary ŭ vioscy Radkaŭ Pietrykaŭskaha rajona zahinuŭ chłopčyk dvuch z pałovaj hadoŭ.
U domie, dzie ŭźnik pažar, pražyvała šmatdzietnaja siamja. U momant NZ maci znachodziłasia ŭ inšym pakoi, a dvoje małych dzietak — čatyroch i dvuch z pałovaj hadoŭ — u spalni.
Pavodle papiaredniaj infarmacyi, starejšy chłopčyk hulaŭ z zapałkami. Kali zahareŭsia łožak, jon, spałochaŭšysia, kinuŭsia na vulicu ŭ dom svajakoŭ, raźmieščany pa susiedstvie. Maci, adčuŭšy pach dymu, pasprabavała ŭvajści ŭ spalniu i vyratavać małodšaha, ale heta joj nie ŭdałosia. Z apiokami ruk i hałavy jon byŭ špitalizavany ŭ rajonnuju balnicu.
U hetaj siamji ŭ 2004 hodzie taksama padčas pažaru zahinuli try dziaŭčynki 3‑5 hadoŭ.