Ukrainskija vajskoŭcy na miažy akružeńnia ŭ čatyroch vioskach Danieččyny
12 śniežnia analityki prajekta Deep State paviedamili pra akupacyju rasijanami nasielenaha punkta Zara. Situacyja vakoł «Uśpienskaha miaška» ŭ Danieckaj vobłaści paharšajecca.
Deep State
Pavodle źviestak analitykaŭ, rasijanie prasunulisia ŭ Navatroickim, Uśpienaŭcy, Soncaŭcy i kala Viasiołaha Haju Danieckaj vobłaści. Asablivuju ŭvahu analityki nadajuć situacyi ŭ rajonie nasielenych punktaŭ Jelizavietaŭka, Ramanaŭka, Viasioły Haj, Hannaŭka, jakija akazalisia ŭnutry «Uśpienskaha miaška».
Vorah sprabuje prarvać abaronu z usich bakoŭ. Klučavuju rolu ŭ strymlivańni hrajuć vioski Pracoŭnaje, Uśpienaŭka i Dalokaje.
Mienavita adsiul rasijanie kancentrujuć siły dla šturmu Uśpienaŭki, jakaja znachodzicca pad pahrozaj poŭnaha akružeńnia.
Ukrainskija vajskoŭcy viaduć aktyŭnyja bai za ŭtrymańnie pazicyj, ale situacyja zastajecca składanaj praz značnuju pieravahu voraha ŭ žyvoj sile, kažuć analityki.