Minčanka paznajomiłasia ŭ internecie z «bahatym vajskovym chirurham z Danii» i pieraviała jamu 40 tysiač rubloŭ
Piensijanierka razmaŭlała ź nieviadomym paŭhoda. Jon pryznavaŭsia žančynie ŭ kachańni i raspaviadaŭ pra miljon dalaraŭ na rachunku.
Skrynšot videa MUS
Uletku 2023 hoda 69-hadovaj minčancy ŭ internecie napisaŭ nieznajomiec pa imieni Fieliks. Jon pradstaviŭsia vajennym chirurham z Danii. Pierapiska pastupova pierarasła ŭ virtualny raman.
Surazmoŭca pryznavaŭsia žančynie ŭ kachańni, zasypaŭ jaje ramantyčnymi paviedamleńniami i abiacaŭ pryjechać u Biełaruś. Jon raspaviadaŭ, što na jaho rachunku nibyta jość miljon dołaraŭ, adnak jon nie moža karystacca hrašyma, tamu što słužyć u dackaj armii.
Skrynšot videa MUS
Daviedaŭšysia pra heta, žančyna vyrašyła dapamahčy kachanamu. Jana pieraličvała jamu hrošy na bilety, pieravozku bahažu i mnohaje inšaje. Usiaho za paŭtara hoda znosin Fieliks vyciahnuŭ ź piensijanierki 40 tysiač rubloŭ.
Z časam pra virtualny raman daviedałasia dačka minčanki. Jana adčuła niešta niadobraje i nastajała na tym, što treba źviarnucca ŭ milicyju. Ciapier pa spravie pravodzicca pravierka.