U Fiładelfii raźbiŭsia samalot sanitarnaj avijacyi. Zahinuli šeść čałaviek
Na ziamli taksama jość paciarpiełyja, bo niekalki damoŭ i aŭtamabilaŭ zaharelisia ŭ vyniku avaryi.
Fota: Matt Rourke / AP
U amierykanskaji Fiładelfii adbyłasia trahiedyja: samalot miedycynskaj avijacyi Learjet 55, jaki naležaŭ kampanii Jet Rescue Air Ambulance, raźbiŭsia nieŭzabavie paśla ŭźlotu z paŭnočna-ŭschodniaha aeraporta horada, piša Bi-bi-si.
Na borcie znachodzilisia šeść čałaviek: čatyry členy ekipaža, adzin pacyjent piedyjatryčnaha adździaleńnia i jaho supravadžajučy. Na žal, usie jany zahinuli.
Katastrofa adbyłasia ŭ piatnicu kala 18:30 pa miascovym časie pablizu handlovaha centra Roosevelt Mall. Pavodle paviedamleńniaŭ miascovych ŚMI, na ziamli taksama jość paciarpiełyja, bo niekalki damoŭ i aŭtamabilaŭ zaharelisia ŭ vyniku avaryi. Mer Fiładelfii Šereł Parkier paćvierdziła hetuju infarmacyju na pres-kanfierencyi ź miesca padziei.
Pryčyny krušeńnia pakul nieviadomyja. Paviedamlajecca, što ŭ momant avaryi nadvorje było prachałodnym i daždžlivym, z drennaj bačnaściu.
Heta druhaja avijakatastrofa ŭ ZŠA za apošni čas. U čaćvier nad Vašynhtonam u vyniku sutyknieńnia pasažyrskaha samalota Bombardier CRJ700 i vajennaha viertalota Sikorsky H-60 zahinuli 67 čałaviek.