Adbyŭsia masiravany nalot ukrainskich bieśpiłotnikaŭ na Tuapse
Siły SPA Rasii źniščyli 83 drony nad Krasnadarskim krajem.
U noč na 26 lutaha horad Tuapse ŭ Krasnadarskim krai padvierhnuŭsia masiravanaj atacy ŭkrainskich bieśpiłotnikaŭ.
Pavodle danych Ministerstva abarony Rasii, siły supraćpavietranaj abarony źniščyli 128 bieśpiłotnych latalnych aparataŭ nad roznymi rehijonami krainy, ź ich 83 — nad Krasnadarskim krajem, u tym liku nad Tuapse.
Miascovyja žychary paviedamlali pra sieryju hučnych vybuchaŭ i pracu SPA. U vyniku padzieńnia abłomkaŭ adnaho z dronaŭ byŭ paškodžany trochpaviarchovy žyły dom, što pryviało da pažaru, jaki źniščyŭ pałovu budynka i aŭtamabil, što znachodziŭsia na dvary.
Raniej, u mai 2024 hoda, Tuapsinski naftapierapracoŭčy zavod užo padviarhaŭsia atakam bieśpiłotnikaŭ, što vyklikała pažary i časovaje spynieńnie vytvorčaści