U Mahiloŭskaj vobłaści žančyna pamierła, vypiŭšy dvuchrazovuju śmiarotnuju normu ałkaholu
U pačatku studzienia ŭ viaskovaj chacie ŭ Bychaŭskim rajonie znajšli cieła 56-hadovaj miascovaj žycharki. Jaho vyjaviła susiedka, jakaja zaŭvažyła, što nie bačyła adnaviaskoŭku ŭžo niekalki dzion. Viadoma, što žančyna žyła adna, nie pracavała i złoŭžyvała śpirtnym.
Fota: Dziaržkamitet sudovych ekśpiertyz
Pryčynu śmierci vyśviatlaŭ Bychaŭski mižrajonny adździeł Dziaržkamiteta sudovych ekśpiertyz. Śpiecyjalisty praviali chimičnaje daśledavańnie i vyjavili ŭ kryvi zahinułaj nadzvyčaj vysokuju kancentracyju etanołu — 9,3 pramile.
Takaja kolkaść ałkaholu ŭ arhaniźmie moža być dasiahnuta, kali vypić nie mienš za paŭlitra čystaha śpirtu abo try plaški harełki za karotki pramiežak času. Heta amal u dva razy pieravyšaje śmiarotnuju miažu — 5 pramile.
Pavodle ekśpiertnych źviestak, heta adzin z samych vysokich uzroŭniaŭ ałkaholu ŭ kryvi, kali-niebudź zafiksavanych u Mahiloŭskaj vobłaści. Antyrekord naležyć mužčynu z Babrujska, jakoha znajšli miortvym u 2022 hodzie: kancentracyja etanołu ŭ jaho kryvi dasiahnuła 10,3 pramile.