Adnahadovy chłopčyk u Drahičynskim rajonie pierakuliŭ na siabie čajnik z kipieniem
Jak vyśvietliłasia, dzicia znachodziłasia ŭ domie i schapiła čajnik, jaki jaho maci pastaviła na plitu.
U hety momant žančyna adyšła ŭ inšy bok pakoja i nie zaŭvažyła dziejańniaŭ dziciaci. Čajnik pierakuliŭsia, i kipień, jaki byŭ u im, vyliŭsia na cieła chłopčyka, paviedamlaje Dziaržkamitet sudovych ekśpiertyz.
Miedyki zafiksavali termičnyja apioki pravaha ściahna, vobłaści kalena, pravaj stupni i kiści ruki. Ahulnaja płošča apioku skłała kala 8% pavierchni cieła.
Ekśpierty kłasifikavali traŭmy jak mienš ciažkija pa prykmiecie praciahłaha rasstrojstva zdaroŭja (nie bolš za čatyry miesiacy).
Anałahičny vypadak adbyŭsia ŭ Kamianieckim rajonie. Termičnyja apioki 17% cieła atrymała dziaŭčynka, 2017 hoda naradžeńnia. Padčas hatavańnia ježy na plicie dzicia začapiła rondal, jaho źmieściva pierakuliłasia na dziaŭčynku.
Apioki ŭ dziacinstvie mohuć mieć surjoznyja nastupstvy: rubcy, razrastańnie rubcovaj tkanki, abmiežavańnie ruchomaści kostak i sustavaŭ.