Viaskoviec vyratavaŭ susiedku na pažary, zalezšy praz bałkon
Zdareńnie adbyłosia ŭ Krasnym Bierazie Žłobinskaha rajona. Prykładna apoŭnačy tam zaharełasia adna z kvater u šmatkvaternym žyłym domie.
Fota: MNS
35-hadovy susied, adčuŭšy charakterny pach, vyjšaŭ na vulicu i ŭbačyŭ dym z voknaŭ adnoj z kvater. Jon chutka pryniaŭ rašeńnie dziejničać i jašče da pryjezdu MNS zabraŭsia ŭ pałajučaje pamiaškańnie praz bałkon.
Unutry znachodziłasia žančyna. Mužčyna adkryŭ dźviery i vynies jaje na čystaje pavietra. Žančynu potym špitalizavali.