U niamieckim Manhiejmie aŭtamabil urezaŭsia ŭ natoŭp — jość paranienyja i pamierłyja
Abnoŭlena
U centry Manhiejma (ziamla Baden-Viurtembierh) aŭtamabil na vysokaj chutkaści ŭrezaŭsia ŭ natoŭp ludziej u piešachodnaj zonie la handlovaha centra. Pavodle infarmacyi BILD, dva čałavieki pamierli, 25 atrymali ranieńni.
Jak minimum 15 paciarpiełych znachodziacca ŭ ciažkim stanie.
Karespandent vydańnia paviedamiŭ, što cieła adnaho z pamierłych lažyć na vulicy pad bryzientam.
Palicyja ačapiła rajon i zaklikaje miascovych žycharoŭ paźbiahać centra horada. Pavodle źviestak BILD, kiroŭca mašyny ŭžo zatrymany.
Na vyjezdach z horada dziažurać palicejskija z aŭtamatami, a nad centram Manhiejma kružyć viertalot. U adździaleńni intensiŭnaj terapii ŭniviersiteckaj kliniki horada abjaŭlena avaryjnaja tryvoha.
Pravaachoŭniki pakul nie ŭdakładniajuć, byŭ heta niaščasny vypadak ci naŭmysnaja ataka. Vidavočcy śćviardžajuć, što ŭ natoŭp urezaŭsia čorny pazadarožnik.