U minułym hodzie tolki ŭ adnym biełaruskim rajonie asudzili 51 čałavieka za «raspaŭsiud ekstremizmu»

Statystyku pa Astravieckim rajonie za 2024 hod pryviała staršynia Astravieckaha rajonnaha suda Śviatłana Łabar na staronkach miascovaj haziety «Astravieckaja praŭda».

Fota ilustracyjnaje

Pavodle słoŭ staršyni suda Astravieckaha rajona, u im u 2024 hodzie pa art. 19.11 č. 2 KaAP (raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ) da administracyjnaj adkaznaści byŭ pryciahnuty 51 čałaviek.

U asnoŭnym sud davaŭ takim ludziam štraf u pamiery 20-25 bazavych vieličyń, časam ich aryštoŭvali na 15 sutak.

Akramia taho, dziaržava atrymlivała z hetaha i materyjalnuju karyść, kožny raz kanfiskujučy ŭ ludziej mabilnyja telefony jak «srodki ździajśnieńnia pravaparušeńnia».

Pry hetym, jak padkreślivaje Śviatłana Łabar, «nie maje značeńnia, što materyjały raźmieščanyja asobaj na piersanalnaj staroncy da taho, jak toj ci inšy kanał byŭ pryznany ekstremisckim».

Kamientary da artykuła