Biełaruś budzie vykarystoŭvać štučny intelekt padčas pierapisu nasielnictva ŭ 2030 hodzie
Dla hetaha Biełstat budzie vykarystoŭvać užo isnujučyja administratyŭnyja dadzienyja, piša BiełTa.
«Niesumnienna, u budučym pierapisie buduć vykarystany najnoŭšyja technałohii, u tym liku štučny intelekt», — raspavioŭ namieśnik staršyni Biełstata Cimafiej Žyharoŭ.
Pa jaho słovach, zaraz u krainie ŭžo sfarmavali pravavuju asnovu dla taho, kab technałohii mieli dostup da administracyjnaj infarmacyi.
Novaja sistema dazvolić źnizić nahruzku na respandentaŭ, dadaŭ jon.