U Łatvii źbirajucca zabaranić jeździć u Biełaruś dziaržaŭnym słužboŭcam

Adpaviedny zakonaprajekt padrychtavała kamisija Siejma Łatvii pa nacyjanalnaj biaśpiecy. Kali zakon prymuć, to jon zakranie słužboŭcaŭ, jakija majuć dostup da dziaržaŭnaj tajamnicy, adkazvajuć za biaśpieku krytyčnaj infrastruktury, a taksama supracoŭnikaŭ Minabarony, MUS, Miniusta, Biuro pa praduchileńni i baraćbie z karupcyjaj, padatkovaj i mytnaj palicyi i vajskovych abjektaŭ, piša Delfi.lt.

Na miažy Łatvii ź Biełaruśsiu. Na tym bierazie Dźviny — biełaruskaja Druja. Fota z sacsietak

Taksama zabarona budzie tyčycca pajezdak u Rasiju, a taksama raspaŭsiudžvacca na tranzitnyja pajezdki.

Łatvijskim čynoŭnikam budzie dazvolena naviedvać Biełaruś i Rasiju tolki ŭ suviazi z vykanańniem słužbovych abaviazkaŭ abo pa humanitarnych mierkavańniach pry ŭmovie atrymańnia dazvołu na časovy vyjezd z Łatvii.

Parušeńnie pravił budzie ličycca padstavaj dla spynieńnia z supracoŭnikam pracoŭnych adnosin.

Kamientary da artykuła