31-hadovy biełaruski futbalist pamior paśla matču

Hulcu miedyjafutbolnaha kłuba «Altstart» Ramanu Klimavu stała drenna padčas matču. Miedyki nie zmahli jaho vyratavać.

Raman Klimaŭ. Fota: klimovroman10 / Instagram

Jak pišuć siabry chłopca ŭ sacsietkach, Ramanu stała drenna padčas matču. Jon straciŭ prytomnaść. Vyklikali chutkuju, ale pa darozie ŭ balnicu futbalist pamior. Pryčyna trahiedyi — spynieńnie serca.

Raman hulaŭ na pazicyi napadajučaha ŭ kamandzie «Altstart». Hety kłub pazicyjanuje siabie jak miedyjafutbolny — hety značyć, havorka idzie pra amatarski farmat, ale ŭ kamandach mohuć hulać jak byłyja prafiesijnyja futbalisty, tak i viadomyja asoby nakštałt błohieraŭ.

Raman Klimaŭ. Fota: premierliga.pro

23 lutaha ŭ «Altstarta» pavinna była adbycca hulnia z kłubam Boom, i ŭ hety ž dzień u instahramie kamandy źjaviłasia infarmacyja pra trahiedyju z Ramanam.

9 sakavika kłub razam ź inšaj miedyjafutbolnaj kamandaj, FK «Inform», zładziŭ matč pamiaci Ramana, dzie źbirali srodki ŭ padtrymku siamji pamierłaha spartsmiena.

Akramia «Altstarta», dzie Klimaŭ pravioŭ apošnija paru hadoŭ, jon zaśviaciŭsia ŭ šerahu inšych amatarskich kamand.

@nashaniva 31-hadovy biełaruski futbalist pamior paśla matču #futboł #politika #novosti #biełaruś ♬ i was only temporary - my head is empty

Kamientary da artykuła