U Aŭstryi školnikam zabaranili karystacca telefonami
Novy ministr adukacyi Aŭstryi Krystaf Viderkier ličyć, što da 8 kłasa dzieciam nielha karystacca ni telefonami, ni razumnymi hadzińnikami, piša Kleine Zietung.
Ilustracyjnaje fota: Naša Niva
Aŭstryjski ministr adukacyi kaža, što nastupstvy vykarystańnia dziećmi telefonaŭ u škołach horš, čym toje, jak na adukacyi adbiŭsia pieryjad karonavirusa.
Jon vykazvajecca za toje, kab u škołach čaściej vykarystoŭvali ličbavuju adukacyju, ale, śćviardžaje Viderkier, nie pavinna być pastajannaj praźmiernaj stymulacyi.
Prapanovu ministra padtrymaŭ i lekar, jaki dadaŭ, što ciapier aŭstryjskija dzieci buduć lepiej raźvivać svaje sacyjalnyja navyki.
Zabarona na vykarystańnie telefonaŭ i razumnych hadzińnikaŭ budzie dziejničać jak padčas urokaŭ, tak i na pierapynkach. Datyčycca jana budzie školnikaŭ da 8 kłasa.
Dzieciam dazvolać prosta vyklučyć telefony i pakłaści ŭ zaplečniki. U niekatorych škołach arhanizujuć «haražy dla mabilnikaŭ», dzie treba budzie pakinuć svaju pryładu.
Ale pradstaŭnica abjadnańnia dyrektaraŭ aŭstryjskich škoł skazała, što nie ŭsie baćki vitajuć takija źmieny: im chočacca mieć mahčymaść telefanavać svaim dzieciam padčas zaniatkaŭ.