Paru, jakaja pakinuła svaich dziaciej bieź ježy na čatyry dni, pazbavili baćkoŭskich pravoŭ
Jany vychoŭvali šaściarych dziaciej, piša «Minsk Novosti». Dvoje ź ich byli ad pieršaha šlubu žančyny.
Ilustracyjnaje fota: Naša Niva
Dziciačy sadok, kudy pavinny byli chadzić małodšyja dzieci, paviedamiŭ va ŭpraŭleńnie pa adukacyi Partyzanskaha rajona Minska, što ich niama na zaniatkach.
Vyśvietliłasia, što baćki dziaciej nie pracavali kala troch miesiacaŭ, doma ŭ ich nie było praduktaŭ. U sakaviku 2024 hoda niepoŭnahadovych dziaciej adnieśli da tych, što znachodziacca ŭ niebiaśpiečnym sacyjalnym stanoviščy.
Z baćkami pačali pracavać sacyjalnyja rabotniki, ale jany nie adkazvali na zvanki i nie dazvalali zajści ŭ dom. Patrapić u kvateru ŭ słužbaŭ atrymałasia tolki kali dźviery im adkryli dzieci.
Ź siamjoj pačali pravodzić prafiłaktyčnuju pracu. Za hety čas baćki ŭładkavalisia na pracu, pačali prybiracca doma i kuplać pradukty.
Ale ŭ lipieni jany znoŭ syšli ŭ zapoj: dzieci na čatyry dni zastalisia bieź ježy, u kvatery byli antysanitarnyja ŭmovy.
Bijałahičny baćka zabraŭ da siabie dvuch starejšych dziaciej — pa 14 i 15 hod. Astatnich — vaśmihadovuju dziaŭčynku, siamihadovaha chłopčyka i čatyrochhadovych bliźniatak — adpravili ŭ prytułak.
Sa śniežnia 2024 hoda baćki dziaciej nie naviedvali. Sud pazbaviŭ ich baćkoŭskich pravoŭ.