Ataka ŭkrainskich dronaŭ prypyniła pastaŭki rasijskaj nafty ŭ Vienhryju
Pra prypynieńnie pastavak rasijskaj nafty pa trubapravodzie «Družba» z-za ataki ŭkrainskich bieśpiłotnikaŭ paviedamiŭ ministr zamiežnych spraŭ Vienhryi Pieter Sijarta ŭ videazvarocie, apublikavanym u sacsietkach.
Fota: Janos Kummer / Getty Images
Pavodle słoŭ vienhierskaha ministra, ramontnyja raboty na abjekcie ŭžo viaducca, padača nafty moža adnavicca ŭžo siońnia.
«Kali ekspłuatacyja naftapravoda «Družba» stanie niemahčymaj, to pastaŭki nafty ŭ Vienhryju i Słavakiju całkam spyniacca», — skazaŭ Pieter Sijarta.
Jon zaŭvažyŭ, što Budapiešt raniej atrymaŭ ad Jeŭrakamisii harantyi, što enierhietyčnaja infrastruktura Vienhryi budzie ŭ biaśpiecy, i zaklikaŭ Ukrainu admovicca ad padobnych napadaŭ.
Raniej Hienštab Uzbrojenych sił Ukrainy paviedamiŭ, što cellu ŭkrainskich dronaŭ 11 sakavika byli NPZ u Maskvie i vuzieł kiravańnia naftapravodam «Družba» ŭ Arłoŭskaj vobłaści.
Čytajcie taksama:
Ukrainskija drony trapili ŭ Maskoŭski NPZ — Hienštab USU
Ukraina nazvała siońniašni ŭdar pa Rasii sihnałam Pucinu
Niekalki dziasiatkaŭ ukrainskich bieśpiłotnikaŭ atakavali Maskvu i Padmaskoŭje