Traich biełarusaŭ buduć sudzić u Charvatyi
Prakuratura Charvatyi nakiravała ŭ akruhovy sud horada Ryjeka kryminalnuju spravu hramadzian Biełarusi 1999, 1989 i 1994 hadoŭ naradžeńnia, jakich abvinavačvajuć u pieravozcy nie mienš za 20 nielehalnych mihrantaŭ, piša «Pozirk» na padstavie paviedamleńnia pres-słužby viedamstva.
Fota ilustracyjnaje
Adznačajecca, što biełarusam inkryminujuć dziejańni ŭ składzie abjadnanaj hrupy ŭ kastryčniku i listapadzie 2024 hoda na terytoryi troch rehijonaŭ Charvatyi. Za pieravozku mihrantaŭ jany atrymlivali materyjalnaje ŭznaharodžańnie — pa 200 jeŭra za adnu pajezdku.
Pavodle materyjałaŭ spravy, nielehałaŭ abvinavačanyja dastaŭlali da miažy sa Słavienijaj i Italijaj. Paviedamlajecca, što mužčyny pražyvali ŭ Zahrabie biez rehistracyi.
Čytajcie taksama:
Polski Siejm uchvaliŭ bolš strohija mihracyjnyja praviły na miažy. Ci treba chvalavacca biełarusam?
U 2024 hodzie ŭ Polščy zatrymali bolš za 900 biełarusaŭ, jakija nielehalna pracavali ŭ krainie