Kolišniamu hrodzienskamu piŭzavodu vybrali nazvu i pakazali, jak jon budzie vyhladać paśla rekanstrukcyi
«Brovar Kunca» — takaja nazva źjaviłasia ŭ Instagram-profili, pryśviečanym rekanstrukcyi kompleksu byłoha hrodzienskaha piŭzavoda i pałaca Ahinskich. Apublikavali i rendary dla histaryčnaha budynka, piša Hrodna.life.
Tak moža vyhladać hrodzienski piŭzavod paśla rekanstrukcyi. Krynica: TRK «Hrodna»
Novuju nazvu dla adrodžanaha kompleksu byłoha piŭzavoda vyrašyli pašukać u kancy 2014 hoda. Dla hetaha kampanija-inviestar źbirała varyjanty ad hrodziencaŭ na sajcie piŭzavoda.
Ciapier budaŭnictva zavieršana na 75%. Kančatkovy vyhlad kompleksu stanie viadomy tolki paśla ŭzhadnieńnia ŭsich detalaŭ z adpaviednymi instancyjami, udakładnili na TRK «Hrodna».
Tak moža vyhladać hrodzienski piŭzavod paśla rekanstrukcyi. Krynica: TRK «Hrodna»
Budaŭniki zakančvajuć mantaž dachu, a taksama zalivajuć padpornyja ścienki i liftavyja šachty, z dapamohaj jakich źviažuć unutrany dvoryk piŭzavoda z vulicaj Zavodskaj.
Paśla śpiecyjalisty płanujuć prystupić da mantažu fluhiera i ŭparadkavańnia terytoryj. Unutrany dvoryk uparadkujuć, a ad nabiarežnaj Niomana da terytoryi kompleksu zrobiać biasšoŭny pierachod.
Tak moža vyhladać hrodzienski piŭzavod paśla rekanstrukcyi. Krynica: TRK «Hrodna»
U budynku raźmieściać aŭtentyčnuju pivavarniu i zachavajuć histaryčny anturaž. Tam pakažuć znojdzienyja padčas rekanstrukcyi artefakty: staryja butelki, kiehi, etykietki ad piva.
Tak moža vyhladać hrodzienski piŭzavod paśla rekanstrukcyi. Krynica: TRK «Hrodna»
Prastoru zavoda złučać z nabiarežnaj Niomana. U najbližejšy čas na budynku ŭstalujuć fluhier.
Asnoŭnyja raboty płanujuć skončyć da kanca 2025 hoda. Novy inviestar pačaŭ rekanstrukcyju vosieńniu 2021 hoda. Paśla pačatku rabot prajekt źmianili, ale na karyść spadčyny. Z-za hetaha terminy budaŭnictva istotna zrušyli.