Łukašenka pamianiaŭ paradak nakiravańnia biełarusaŭ u sanatoryi

Alaksandr Łukašenka padpisaŭ ukaz, jaki mianiaje paradak nakiravańnia nasielnictva na sanatorna-kurortnaje lačeńnie i azdaraŭleńnie, paviedamili ŭ pres-słužbie palityka. Ukaz № 104 padpisany 11 sakavika.

Sanatoryj «Narač». Zdymak ilustracyjny. Fota: minsktourist.by

Dakumientam unosiacca źmieny va ŭkaz ad 28 žniŭnia 2006 hoda № 542 «Ab sanatorna-kurortnym lačeńni i azdaraŭleńni nasielnictva», a taksama ŭ Pałažeńnie ab paradku nakiravańnia nasielnictva na sanatorna-kurortnaje lačeńnie i azdaraŭleńnie, zaćvierdžanaje hetym ukazam.

Ciapier pry vydzialeńni pucioŭki z vykarystańniem biudžetnych srodkaŭ dziciaci na sumiesnaje sanatorna-kurortnaje lačeńnie z baćkami vyklučajucca nieadnaznačnyja traktoŭki prava jaje paŭtornaha atrymańnia ŭ biahučym hodzie ŭ niekalkich miescach (raboty i žycharstva).

Akramia taho, rehulujucca pytańni sastupki (pieradačy) atrymanaj i apłačanaj pucioŭki inšaj asobie.

Kamientary da artykuła