Skandalny minski restaran źmianiŭ nazvu, ale ŭłaśniki brenda ŭsio roŭna niezadavolenyja
U śniežni minułaha hoda ŭ Minsku adkryŭsia restaran «Grill London». Jaho nazva całkam supadała ź viadomaj sietkaj u Litvie, adnak jaje ŭłaśniki zajavili, što nie majuć dačynieńnia da minskaj ustanovy i abvinavacili biełarusaŭ u kradziažy tavarnaha znaka.
Jak piša 15min.lt sa spasyłkaj na «Verslo žinios», u sakaviku restaran u Minsku źmianiŭ nazvu na «Gril & Bar London». Taksama pamianiaŭsia i łahatyp, zamiest firmovaha dvuchpaviarchovaha aŭtobusa ciapier budynak z butelkaj.
Adnak adzin z ułaśnikaŭ «Grill London» Andrus Łaŭrynavičus zajaviŭ, što hetaha niedastatkova, bo biełaruski restaran nibyta publikuje ŭ svaich sacsietkach fota, zroblenyja ŭ Litvie.
«Jany praciahvajuć raźmiaščać u sacyjalnych sietkach fatahrafii našych straŭ. Ja nie viedaju, adkul jany ich biaruć — moža, navat prychodziać siudy niešta fatahrafavać, moža, niechta im fatahrafuje, ale my bačym zdymki z našych restaranaŭ. U ich navat niama takich straŭ», — zajaviŭ Łaŭrynavičus.
Litoŭcy źbirajucca źviartacca ŭ biełaruskija instancyi, a kali heta nie dapamoža, to buduć sudzicca.