Dzień biełaruskaj vajskovaj słavy ŭ Varšavie
8 vieraśnia, u hadavinu słavutaj biełaruskaj pieramohi nad rasiejskim vojskam pad Voršaju ŭ 1514 hodzie, biełaruskija studenty arhanizavali ŭ Varšavie šerah śviatočnych mierapryjemstvaŭ. Śviatkavańnie raspačałosia a 13 hadzinie uračystym schodam u budynku Varšaŭskaha Universytetu, dzie prahučaŭ raspoviad pra važnaść i hieraičnaść padziejaŭ 1514 hodu.
8 vieraśnia, u hadavinu słavutaj biełaruskaj pieramohi nad rasiejskim vojskam pad Voršaju ŭ 1514 hodzie, biełaruskija studenty arhanizavali ŭ Varšavie šerah śviatočnych mierapryjemstvaŭ. Śviatkavańnie raspačałosia a 13 hadzinie uračystym schodam u budynku Varšaŭskaha Universytetu, dzie prahučaŭ raspoviad pra važnaść i hieraičnaść padziejaŭ 1514 hodu.
Potym niekalki socień studentaŭ prahramy imia Kastusia Kalinoŭskaha prajšli praz centar Varšavy z nacyjanalnymi bieł-čyrvona-biełymi ściahamib biełaruskimi śpievami j vokličami “Žyvie Biełaruś!”. Kalinoŭcy nakiravalisia da ŭschodni bierah Visły, dzie adbyŭsia ŭračysty mitynh j uskładańnie kvietak da pomniku biełaruskamu zmaharu za niezaležnaść hienierału Bułachu Bułachoviču. Kala pamiatnaj šyldy słaŭnamu biełaruskamu zmaharu prahučaŭ nacyjanalny himn “Mahutny Boža”.
Havoryć adzin z udzielnikaŭ akcyi, maładafrontaviec Barys Harecki: “Siońnia my sabralisia tut, kab ušanavać pamiać sapraŭdnych hierojaŭ Biełarusi, jakija samaachviarna zahinuli u baraćbie za niezaležnaść našaj Baćkaŭščyny. Zaraz, amal 500 hadoŭ my pamiatajem ich podźvihi j sami žadajem praciahnuć ich śviatuju spravu.”
Akramia hetych mierapryjemstvaŭ siońnia a 16 hadzinie ŭ zali Varšaŭskaha Universytetu adbudziecca vystup viadomaha biełaruskaha navukoŭca prafesara Michasia Čarniaŭskaha, pa zakańčeńni jakoha planujecca śviatočnaja viečaryna j vystup rycarskich klubaŭ.
❏