Vydaŭcy iduć da Ananič
Ciaham hoda Ministerstva infarmacyi nie zarehistravała niekalki niezaležnych haziet: «Novaja hazieta Bobrujska», «Mahiloŭski čas», «Marjinahorskaja», «Prefiekt‑plus» (Hłybokaje), «Kuciejna» (Orša), «Salihorsk‑plus» dy inšyja.
Lilija Ananič.
U Biełarusi ž 5 maja adznačajecca Dzień druku.
U najbližejšy čas redaktary niedziaržaŭnych rehijanalnych vydańniaŭ majuć sustrecca z namieśnikam ministram infarmacyi Lilijaj Ananič. Sustreča zapłanavanaja na 12 maja.
Ciaham hoda Ministerstva infarmacyi nie zarehistravała niekalki niezaležnych haziet: «Novaja hazieta Bobrujska», «Mahiloŭski čas», «Marjinahorskaja», «Prefiekt‑plus» (Hłybokaje), «Kuciejna» (Orša), «Salihorsk‑plus» dy inšyja.
Siarod pryčyn, praź jakija było admoŭlena ŭ rehistracyi: raźmiaščeńnie redakcyi ŭ žyłym pamiaškańni, adsutnaść vyšejšaj adukacyi ŭ redaktara, skasavańnie damovy arendy, nieadpaviednaść zajaŭlenaj tematycy, nieadpaviednaść źviestak pra redaktara i ab adrasie.
Ekśpierty miarkujuć, što bolšaść pryčyn dla nierehistracyi byli absalutna nadumanymi. I Ministerstva infarmacyi musić źmianić svajo rašeńnie. Z takoj metaj i zadumanaja sustreča sa spn.Ananič.
Darečy, 9 sakavika vyjšaŭ zahad Ministerstva infarmacyi ab skasavańni šerahu ŚMI, jakija nie prajšli pierarehistracyi. Bolšaść ź ich daŭno ŭžo nie vydavałasia.
Pazbaŭlenyja licenzii vydaŭcy «BDH. Diełovaja hazieta», rehijanalnych «Vitiebskij kuŕjer M» i «Homan Barysaŭščyny», unijackaj haziety «Carkva», što vydavałasia ŭ Breście.
Ale nie varta dumać, što skasavanyja tolki niezaležnyja vydańni. Skasavanyja i takija haziety, jak «Kłubnička», «Lubovnyje privoroty i hadanija» ci časopis «Lesavik».