Z ułaśnikaŭ katedžaŭ i pustych kvater buduć brać 100% «kamunałki»
Urad Biełarusi zrabiŭ važny krok na šlachu pavieličeńnia taryfaŭ na pasłuhi ŽKH.
Urad Biełarusi zrabiŭ važny krok na šlachu pavieličeńnia taryfaŭ na pasłuhi ŽKH.
Pieršymi 100% kamunalnych pasłuh buduć apłačvać uładalniki katedžaŭ ŭ Minsku, abłasnych i rajonnych centrach i ich navakolli.
Z 1 červienia hetaha hoda žychary siadzibnych žyłych damoŭ pavyšanaj kamfortnaści buduć płacić za kamunalnyja pasłuhi pa taryfach, «jakija zabiaśpiečvajuć poŭnaje pakryćcio ekanamična abhruntavanych zatrat na akazańnie hetych pasłuh». Novy paradak zaćvierdžany pastanovaj Saŭmina № 639 ad 28 krasavika.
Pieraliki takich damoŭ buduć śćviardžać miascovyja ŭłady.
Što ličycca damami pavyšanaj kamfortnaści? Heta siadzibnyja žyłyja damy (ci kvatery ŭ «błakavanych žyłych damach») ahulnaj žyłoj płoščaj bolš za 200 kvadratnych mietraŭ z haračym vodazabieśpiačeńniem, kanalizacyjaj, aciapleńniem i vientylacyjaj, elektryčnaściu, abstalavanyja hazavymi abo elektryčnymi plitami.Pry hetym havorka idzie pra damy, raźmieščanyja u Minsku i jaho pryharadach, u abłasnych haradach i prylehłych da ich administracyjnych rajonach, rajonnych centrach.
Akramia taho, ciapier na dziarždatacyi na apłatu techabsłuhoŭvańnia i aciapleńnia nie zmohuć raźličvać hramadzianie, va ŭłasnaści abo karystańni u jakich jość adno abo niekalki žyłych pamiaškańniaŭ pry adsutnaści ŭ ich zarehistravanych žycharoŭ — najmalnika, ŭłaśnika, siabra arhanizacyi zabudoŭščykaŭ abo členaŭ ich siemjaŭ. Heta rašeńnie datyčycca i jurasob, u jakich na bałansie jość pustyja žyłyja pamiaškańni.
Acanić, u kolki žycharam katedžaŭ zaraz abydziecca kamunałka, pakul možna tolki pryblizna: im pryjdziecca pakryvać 100% vydatkaŭ, a ŭ cełym pa krainie biełarusy pakryvajuć tolki kala 30% vydatkaŭ.
Ab nieabchodnaści adyści ad kryžavanaha subsidavańnia mižnarodnyja ekśpierty, u pryvatnaści MVF, havaryli nieadnarazova, ale ŭrad na taki krok pakul nie rašaŭsia. Ciapier lod kranuŭsia.