Krasavickaja kampanija «Hazproma»: miesiac, poŭny pośpiechaŭ
Budaŭnictva hazapravodaŭ — Nord Stream praz Bałtyku i anałahičnaha South Stream praz Čornaje mora — asnoŭnaja stratehija «Hazproma» na nastupnyja 50 hadoŭ, bo taki čas musiać pracavać padvodnyja trubapravody, jakija majuć umacavać panavańnie «Hazproma» na prastory byłoha ŭschodniaha błoku i zabiaśpiečyć ekspansiju na zachodnija rynki.
Niamieckija ekołahi adklikali pazoŭ suprać dazvołu niamieckich ŭładaŭ na prakładku trubapravoda, i jaho prakładańnie ŭ niamieckich terytaryjalnych vodach pačniecca, jak i było zapłanavana, u siaredzinie traŭnia.
U 2012 hodzie, kali ŭsio budzie hatova, trubapravod Nord Stream budzie pieranosić praz Bałtyjskaje mora ŭ Hiermaniju 55 miljardaŭ kubamietraŭ hazu ŭ hod. Heta amal dziesiataja častka abjomaŭ, u jakich spažyvajuć haz u krainach Jeŭrapiejskaha sajuza. Pieršapačatkova budaŭnictva mieła hałoŭnaj metaj pavieličeńnie pastavak hazu ŭ Vialikabrytaniju. Ale płany źmianilisia, i haz, što budzie praz Bałtyku dastaŭlacca ŭ Hiermaniju, pojdzie dalej — u Daniju, Francyju, Niderłandy, Vialikabrytaniju, a taksama na ŭschod — u Čechiju i Polšču.
Trubapravod «Nabuka», što maje stać kankurentam dla hazpromaŭskich, buduje aŭstryjski kansorcyjum. Hety trubapravod pryznačany dla tranzitu hazu ź blizkaŭschodnich krainaŭ i krainaŭ nad Kaśpijskim moram praz Turcyju ŭ Paŭdniovuju Jeŭropu.
Aŭstryjski kancler Rychard Fajman zajaviŭ, što hazpromaŭski i aŭstryjski prajekty pamiž saboj nie kankurujuć, ale ličby supiarečać słovam. South Stream i «Nabuka» budujucca adnačasova i musiać pastaŭlać bolš za 60 miljardaŭ kubamietraŭ hazu ŭ hod. Niemahčyma, kab popyt na haz u Centralnaj Jeŭropie nastolki ŭzros. Tamu ekśpierty ličać, što pieramoža trubapravod, pabudavany raniej.
Płanavałasia, što hałoŭnym pastaŭščykom hazu dla prajektu «Nabuka» pavinien stać Azierbajdžan. Ale ŭ siaredzinie krasavika Baku zajaviŭ, što zdabyča hazu z radoviščaŭ na Kaśpijskim mory adsoŭvajecca z 2014 da 2017 h.
Jašče bolš prablematyčnaja situacyja skłałasia na Kaŭkazie. Uvosień 2009 hodu Turcyja zaklučyła pahadnieńnie z Armienijaj, hałoŭnym sajuźnik Rasii ŭ hetym rehijonie. Heta ŭschvalavała Azierbajdžan, jaki paśla raspadu Savieckaha Sajuza spračajecca ź Jerevanam pra Nahorny Karabach. Baku zapatrabavaŭ ad Turcyi bolš vysokaj apłaty hazu. U dadatak Armienija prypyniła ratyfikacyju pahadnieńnia z Turcyjaj.
U hetaj błytaninie ŭsio ciažej płanavać bieśpierabojnuju dastaŭku kaśpijskaha hazu praz Kaŭkaz i Turcyju da trubapravodu «Nabuka». Heta pavialičvaje pryvabnaść trubaŭ «Hazproma», bo South Stream abychodzić Turcyju i Kaŭkaz.
Što datyčyć Kijeva, to ŭ pieryjad pamiž pačatkam budaŭnictva hazapravodu Nord Stream i zaviaršeńniem padrychtoŭki da budaŭnictva South Stream Rasija i Ukraina zaklučyli vyhadny dla «Hazproma» kantrakt «fłot za haz». Kijeŭ vyrašyŭ padoŭžyć prynamsi na 25 hadoŭ damovu pra raźmiaščeńnie vajskovych bazaŭ Čarnamorskaha fłotu Rasii ŭ Krymie, termin dziejańnia jakoj zakančvajecca ŭ 2017 hodzie. U svaju čarhu Maskva pahadziłasia ciaham najbližejšych 10 hadoŭ pradavać Ukrainie haz z
Viktar Janukovič, jaki ŭ lutym vyjhraŭ prezidenckija vybary va Ukrainie, padčas pieradvybarčaj kampanii abviaściŭ, što jaho pryjarytetam budzie źnižeńnie koštu hazu, što impartujecca z Rasii. 20 krasavika było padpisanaje pahadnieńnie «fłot za haz». Na minułym tydni parłamienty Rasii i Ukrainy ratyfikavali pahadnieńnie.
Ale za niekalki hadzin da hetaha ŭ Kijeŭ prylacieŭ Pucin — adrazu paśla zakančeńnia padrychtoŭki ŭ Vienie i Miłanie da budaŭnictva South Stream. Moža być, užo tady ŭ hałavie prem'jer-ministra Rasii saśpieła ideja, jakaja była ahučanaja ŭ apošni dzień krasavika i pryviała ŭ šok usich, chto ličyŭ, što damova «fłot za haz» na doŭhi čas vyznačyła «hazavyja» stasunki Rasii z Ukrainaj. «Ja prapanuju abjadnać «Hazprom» i «Naftahaz», — skazaŭ Pucin. Kiraŭnictva «Hazproma» paviedamiła, što pieramovy pačnucca paśla 9 traŭnia.