Čechija zacikaŭlena ŭ budaŭnictvie AES u Biełarusi
Čechija zacikaŭlena ŭdzielničać u budaŭnictvie AES u Biełarusi. Pra heta zajaviŭ daradca ministra pramysłovaści i handlu Čechii Jan Hronik 5 maja na pres‑kanfierencyi ŭ Minsku.
«My prapanujem biełaruskamu boku naš udzieł u budaŭnictvie takoj AES, — skazaŭ Hronik. — Asnoŭnaje abstalavańnie dla błokaŭ našych AES vyrablali češskija firmy pa rasijskich technałohijach».
Pry hetym Hronik nahadaŭ, što asnoŭnym partnioram Biełarusi ŭ prajekcie pa budaŭnictvie AES źjaŭlajecca rasijskaja kampanija «Atambudekspart». Pavodle jaho słoŭ, Čechija moža być subpastaŭščykom pry budaŭnictvie biełaruskaj AES.
Hronik adznačyŭ, što ŭdzieł Čechii ŭ budaŭnictvie AES u Biełarusi —
«heta nie tolki pastaŭka abstalavańnia, ale ŭ nas taksama vialiki navukova‑techničny patencyjał».
U svaju čarhu, handlovy savietnik pasolstva Čechii ŭ Biełarusi Michał Hiełbič adznačyŭ, što supracoŭnictva dźviuch krain u enierhietyčnaj śfiery źjaŭlajecca «cikavaj temaj» dla Čechii. «U nas jość vopyt, nou‑chau pradpryjemstva. My prychodzim siudy i prapanujem sumiesnuju pracu», — skazaŭ Hiełbič.
Pavodle jaho słoŭ, pierśpiektyŭnym źjaŭlajecca supracoŭnictva pa pastaŭkach z Čechii abstalavańnia dla biełaruskich HES, parahazavych błokaŭ, padstancyj, a taksama abstalavańnia dla spalvańnia alternatyŭnych vidaŭ paliva.