U Minsk z aficyjnym vizitam prybyvaje prezident Vjetnama
Prezident Vjetnama Nhujen Miń Čyjet viečaram 12 maja prybyvaje ŭ Biełaruś z aficyjnym vizitam. Jak paviedamili ŭ pasolstvie Vjetnama, vizit budzie doŭžycca da 15 maja. Jaho aficyjnaja prahrama pakul nie abnarodavana.
Na 13 maja zapłanavany sustrečy Nhujen Miń Čyjeta z prezidentam Biełarusi Alaksandram Łukašenkam i premjer‑ministram Siarhiejem Sidorskim, na 14 maja — pieramovy sa staršynioj Savieta Respubliki Nacyjanalnaha schodu Barysam Baturam.
14 maja ŭ budynku Nacyjanalnaj biblijateki projdzie biełaruska‑vjetnamski dziełavy forum, udzieł u jakim voźmuć pradstaŭniki amal 80 v́jetnamskich pradpryjemstvaŭ.
Čakajecca taksama, što ministr zamiežnych spraŭ Biełarusi Siarhiej Martynaŭ sustreniecca sa svaim vjetnamskim kaleham, jaki prybudzie ŭ Minsk u składzie aficyjnaj delehacyi.
Alaksandr Łukašenka naviedvaŭ Vjetnam z aficyjnym vizitam u krasaviku 2008 hoda.