Biełsat pierajazdžaje z Varšavy ŭ Biełastok?
Na ŭtrymańnie telekanału ŭ stalicy deficyt hrošaj.
Uprava polskaha hramadskaha telebačańnia TVP płanuje radykalnaje abmiežavańnie vydatkaŭ dla telekanała Biełsat, paviedamlaje Polskie Radio sa spasyłkaj na aŭtarytetnaje vydańnie «Dziennik Gazeta Prawna».
Dakumient z prapanovaj pieranosu siadziby Biełsata z Varšavy ŭ biełastockuju telestudyju dy stvareńnia supolnaj redakcyi niekalki dzion tamu ŭprava dasłała kiraŭnictvu telekanała.
Na Biełsacie infarmacyju ab płanach pieranosu siadziby kanału ŭ Biełastok nie kamientujuć, bo kankretnaha rašeńnia pakul niama.
Telekanał pracuje ŭ zvyčajnym režymie.
Takim čynam ułady TVP sprabujuć aščadzić srodki. Akramia pieranosu siadziby płanujeucca skaracić 15 supracoŭnikaŭ. Na siońniašni dzień na Biełsacie pracuje 37 štatnych i bolš za 30 pazaštatnych supracoŭnikaŭ.
TVP praz składanaje finansavaje stanovišča skaračaje vydatki nie tolki na Biełsat. Nieaficyjna paviedamlacca, što kiraŭnictva kanału rychtuje masavyja zvalnieńni 600, albo navat tysiačy supracoŭnikaŭ. Akramia hetaha rychtujecca spynieńnie dziejnaści kanału «TVP Historia» dy prodaž majomaści. Dziakujučy hetamu płanujecca atrymać 90 miljonaŭ złotych, paviedamlaje «Dziennik Gazeta Prawna».