Rasija pabuduje Turcyi pieršuju AES na praciahu 7 hadoŭ
Turcyja budzie raźvivać trubapravod Samsun – Džejchan, a taksama rasijcy zmohuć jeździć adpačyvać u hetuju krainu bieź vizaŭ. Takija vyniki vizitu prezidenta Rasii Dźmitryja Miadźviedzieva ŭ Ankaru.
U sieradu Dźmitryj Miadźviedzieŭ pravioŭ ŭ Ankary pieramovy z prezidentam Turcyi Abdułoj Hiulem, a zatym – z tureckim premjer-ministram Redžepam Taipam Erdahanam.
Hałoŭnyja dakumienty byli padpisanyja pa vynikach pieramovaŭ Miadźviedzieva i Erdahana.
Pad damovaj ab supracoŭnictvie ŭ śfiery budaŭnictva i ekspłuatacyi na placoŭcy ŭ Akuju ŭ Turcyi z rasijskaha boku svoj podpis pastaviŭ Ihar Siečyn.
Kantrolny pakiet kampanii – uładalnika stancyi zaŭsiody budzie ŭ Rasii, zajaviŭ žurnalistam kiraŭnik dziaržkarparacyi «Rosatam» Siarhiej Kiryjenka.