U Minsk z aficyjnym vizitam prybyŭ prezident Vjetnama
Viečaram 12 maja ŭ Minsk z aficyjnym vizitam prybyŭ prezident Sacyjalistyčnaj Respubliki Vjetnam Nhujen Miń Čyjet.
Jak paviedamlaje pres‑słužba prezidenta Biełarusi, 13 maja projduć pieramovy vjetnamskaha kiraŭnika z Alaksandram Łukašenkam.
Prezidenty spačatku praviaduć pieramovy ŭ vuzkim, a zatym u pašyranym farmacie. Kiraŭniki dziaržaŭ abmiarkujuć «uvieś śpiektr biełaruska‑vjetnamskich adnosin», paviedamlaje pres‑słužba.
Pa vynikach sustrečy prezidentaŭ budzie padpisany šerah dvuchbakovych dakumientaŭ.
13 maja taksama zapłanavanyja sustrečy Nhujen Miń Čyjeta z premjer‑ministram Siarhiejem Sidorskim, na 14 maja — pieramovy sa staršynioj Savieta Respubliki Nacyjanalnaha schodu Barysam Baturam.
14 maja ŭ budynku Nacyjanalnaj biblijateki projdzie biełaruska‑vjetnamski dziełavy forum, udzieł u jakim voźmuć pradstaŭniki prykładna 80 vjetnamskich pradpryjemstvaŭ.
Čakajecca taksama, što ministr zamiežnych spraŭ Biełarusi Siarhiej Martynaŭ sustreniecca sa svaim vjetnamskim kaleham, jaki prybudzie ŭ Minsk u składzie aficyjnaj delehacyi.
Nahadajem, Alaksandr Łukašenka naviedvaŭ Vjetnam z aficyjnym vizitam u krasaviku 2008 hoda.
Vialikija abmiežavańni ruchu transpartu ŭ Minsku z pryčyny pryjezdu vjetnamskaha lidera