Litoŭski čynoŭnik zhańbiŭsia ŭ Biełarusi

Vice-mera Paniaviežskaha rajona Vitaŭtasa-Rapołasa Hrytenasa zaklikajuć da adstaŭki. Krytyku były staršynia kałhasu adbivaje žartami pra indykoŭ, jakija nie lubiać čyrvony koler.

71-hadovysacyjał-demakrat Hrytenas trapiŭ u niamiłaść paśla taho, jak pajechaŭ u biełaruski horad Maładziečna na Dzień Pieramohi.

Udzieł Hrytenasa ŭ śviatkavańniach ilustruje fatahrafija, na jakoj jon razam ź inšymi členami Paniaviežskaj delehacyi zafiksavany siarod vieteranaŭ ź miedalami na pinžakach. Za śpinoj vice-mera — čyrvony ściah. Mienavita takuju fatahrafiju možna ŭbačyć na sajcie meryi. Jana vyklikała škvał abureńnia apanientaŭ, jakija ŭpeŭnienyja, što Hrytenas, jaki paziravaŭ la čyrvonaha ściaha, pavinien syści ŭ adstaŭku.

«Jak moža pradstaŭnik niezaležnaj Litvy aficyjna fatahrafavacca la čyrvonaha ściaha, što ŭsłaŭlaje Saviecki Sajuz? Składvajecca ŭražańnie, što 20 hadoŭ niezaležnaści prajšli dla jaho niezaŭvažanymi», — ličyć pradstaŭnik Paniaviežskaj meryi Vijaleta Hryhienie.

U adkaz Hrytenas prapanavaŭ apanientam apamiatacca i spynić zajmacca palitykanstvam. «Viedajecie, ja skažu, što niekatoryja ludzi chvarejuć syndromam indyka: jak tolki bačać čyrvony — adrazu kudachtajuć», — zajaviŭ vice-mer.

Nahadajem taksama, što ŭ Litvie savieckaja simvolika, razam z nacysckaj, źjaŭlajecca zabaronienaj.

Kamientary da artykuła