Frystajlistu Alaksieju Hryšynu prysudžana premija «Biełaruski spartyŭny Alimp»
Pra heta paviedamiła pres‑słužba prezidenta sa spasyłkaj na ŭkaz ad 17 maja.
Premija prysudžana za «dasiahnieńnie vysokich spartyŭnych vynikaŭ na mižnarodnych spabornictvach i zavajavańnie załatoha miedala na XXI zimovych Alimpijskich hulniach 2010 hoda ŭ h.Vankuviery (Kanada), aktyŭnuju dziejnaść pa papularyzacyi fizičnaj kultury i sportu».
Na suiskańnie premii Hryšyna vyłučyła 24 sakavika sumiesnaja kalehija Ministerstva sportu i turyzmu i vykankama Nacyjanalnaha alimpijskaha kamiteta.
Akramia taho, zahadam Minsportu ad 23 sakavika spartsmienu pryznačana imiannaja prezidenckaja stypiendyja na pieryjad z 25 lutaha 2010 hoda (dnia zavajavańnia «zołata») pa 24 lutaha 2014 hoda.
Jaje miesiačny pamier — 200 taryfnych stavak pieršaha razradu, abo 16,2 młn. rubloŭ u miesiac (5,4 tys. dalaraŭ).
***
Premija «Biełaruski spartyŭny Alimp» była zasnavana ŭ 2003 hodzie. Jaje pieršym uładalnikam u 2004 hodzie staŭ staršynia Paralimpijskaha kamiteta Aleh Šepiel. U 2006 hodzie premiju atrymaŭ kidalnik mołata Ivan Cichan, u 2007‑m — viełasipiedystka Natalla Cylinskaja, u 2008‑m — viaślarka Kaciaryna Karsten, u 2009‑m — kidalnica mołata Aksana Miańkova.
U 2005 hodzie na premiju vyłučaŭsia trenier alimpijskaj čempijonki‑2004 Julii Nieściarenki (bieh na 100 mietraŭ) Viktar Jaraševič, ale adpaviedny ŭkaz tak i nie byŭ padpisany.
Pamier premii składaje 350 bazavych vieličyń (12 młn. 250 tys. rubloŭ, abo 4,1 tys. dalaraŭ ZŠA).