Chresny chod u Śviata-Anufryjeŭski manastyr abjadnaje pravasłaŭnuju moładź Biełarusi i Polščy

Pravasłaŭny biełaruska-polski moładzievy chresny chod projdzie 22–25 červienia.

«Meta chresnaha chodu — spryjać duchoŭnamu jadnańniu maładych viernikaŭ Biełaruskaj i Polskaj pravasłaŭnych cerkvaŭ. Akramia taho, heta adradžeńnie daŭniaj tradycyi, pierarvanaj 70 hadoŭ tamu».

Z bresckaha Śviata-Afanasijeŭskaha žanočaha manastyra maładyja pałomniki 22 červienia vypraviacca ŭ Polšču. Paśla pierasiačeńnia miažy da biełaruskich udzielnikaŭ dałučycca hrupa polskich charuhvanoscaŭ. Udzielniki šeścia za try dni projduć 54 km da kancavoha punktu maršrutu — Śviata-Anufryjeŭskaha mužčynskaha manastyra ŭ miastečku Jabłečnie u Padlašskim vajavodstvie.

Chresny chod zavieršycca ŭ dzień pamiaci Anufryja Vialikaha — śviatoha, asabliva šanavanaha ŭ hetym rehijonie. Da 1939 hodu, kali była ŭstalavanaja novaja miaža pamiž Polščaj i Savieckim Sajuzam, takija narodnyja pilihrymki byli štohadovymi.

Manastyr śviatoha Anufryja — adziny na terytoryi sučasnaj Polščy manastyr, jaki praisnavaŭ amal 500 hadoŭ jak pravasłaŭny i ŭ jakim zaŭsiody žyli manachi.

Kamientary da artykuła