U Minsku adkryłasia vystava sučasnaj polskaj hrafiki
Vystava tvoraŭ studentaŭ, vypusknikoŭ i piedahohaŭ fakulteta hrafiki Akademii mastactvaŭ u Katavice (Polšča) adkryłasia 18 maja ŭ Muziei sučasnaha vyjaŭlenčaha mastactva ŭ Minsku. U ekspazicyi demanstrujecca kala 50 tvoraŭ hrafikaŭ troch pakaleńniaŭ, jakija pracujuć u kłasičnaj i ekśpierymientalnaj technikach.
Adkryvajučy vystavu, dyrektar Polskaha instytuta ŭ Minsku Piotr Kazakievič paviedamiŭ, što Akademija mastactvaŭ u Katavice źjaŭlajecca adnoj z samych maładych škoł hrafiki u Polščy: u 2011 hodzie jana adznačyć tolki pieršaje svajo dziesiacihodździe. «My možam hanarycca polskim płakatam i hrafikaj», — padkreśliŭ Kazakievič i vykazaŭ nadzieju na dalejšaje supracoŭnictva mastakoŭ i halerej Polščy i Biełarusi.
Jak padkreśliŭ dekan fakulteta hrafiki Akademii mastactvaŭ u Katavice prafiesar Hžehaž Chańderek, dziakujučy intehravańniu asiarodździa hrafikaŭ, skancentravanych vakoł akademii, uźnikła mocnaja i dynamičnaja supołka mastakoŭ, viadomaja ŭ krainie i za jaje miežami, pra što śviedčać šmatlikija ŭznaharody, atrymanyja katavickimi tvorcami za apošnija niekalki hadoŭ na mižnarodnych vystavach u Polščy, Ispanii, Jehipcie, Makiedonii, Japonii, Karei, Kitai i na Tajvani. Vystava pracuje da 30 maja.