Fest moładzievaj žurnalistyki ŭ Hrodna
Try dni budzie doŭžycca II Fest moładzievaj žurnalistyki «Tvoj styl», arhanizavany hramadskimi abjadnańniami «Biełaruskaja asacyjacyja žurnalistaŭ» i «Centr «Treci Siektar».
Mierapryjemstva raspačniecca 21 maja. U prahramie zapłanavany majstar‑kłasy ad viadomych biełaruskich žurnalistaŭ, prezientacyi moładzievych infarmacyjnych prajektaŭ, vystava repartažnych fota hrodzienskich aŭtaraŭ i vynikaŭ konkursa «Pres‑fota Biełarusi 2010». Aprača hetaha arhanizatary prapanujuć bahatuju kulturnickuju prahramu: chend‑mejd vystava «U Tvaim Styli», kancert hurtoŭ «Bosaje sonca», «ZnaROCK», «Piotr Klujeŭ Bend», repiera Vinsent, irłandskija tancy.
Pahladzieć poŭnuju prahramu Festu i padać zajaŭku na ŭdzieł u majstrach‑kłasach možna na sajcie «Tvoj Styl».
Pieršy Fiestyval moładzievaj žurnalistyki «Tvoj styl» adbyŭsia ŭ traŭni 2007 hoda. Udzieł u im brali bolš za 150 čałaviek.