Ukraina atrymaje biaźvizavy režym ŭ Šenhienam u 2012 hodzie?
Płan praduhledžvaje dazvoł na karotkaterminovyja pajezdki da 90 dzion.
Užo ŭ červieni Ukrainie mohuć prapanavać kankretny płan pa ŭviadzieńni biaźvizavaha režymu dla karotkaterminovych pajezdak (da 90 dzion). Jaho buduć abmiarkoŭvać 15 červienia ŭ Luksiemburhu na pasiadžeńni Savieta pa supracoŭnictvie Jeŭrasajuza, zajaviŭ jeŭrapiejski kamisar pa pytańniach pašyreńnia i jeŭrapiejskaj palitycy susiedstva Štefan Fiule.
«Hety dakumient zaraz raspracoŭvajecca sumiesna Ukrainaj i ES», — udakładniŭ kiraŭnik infarmacyjnaha departamienta MZS Aleh Vałošyn.
Kančatkovaje ŭchvaleńnie płana pavinna adbycca ŭ kastryčniku na samicie Ukraina — ES.
Pieršym krokam dla vykanańnia hetaha płana pavinna stać ratyfikacyja Viarchoŭnaj Radaj dźviuch kanviencyj Savieta Jeŭropy — ab abaronie piersanalnych dadzienych (havorka idzie ab abmiežavańni dostupu da aŭtamatyzavanych baz danych, jakija źmiaščajuć źviestki ab hramadzianach) i praduchileńni handlu ludźmi.
Nastupnaje ŭmova — uviadzieńnie bijamietryčnych zamiežnych pašpartoŭ, jakija źmiaščajuć śpiecyjalny čyp, na jaki možna zapisvać infarmacyju ab jaho uładalniku (fatahrafiju, adbitki palcaŭ, ŭzor hołasu, zdymak abałonki vačej i inšaje).
Jašče adno patrabavańnie — ŭładkavańnie miežaŭ, asabliva z Rasijaj.