12 červienia projdzie «MałočnaSočny fiestyval — Minsk 2010»
U Centralnym dziciačym parku imia Horkaha 12 červienia budzie arhanizavany »MałočnaSočny fiestyval — Minsk 2010», paviedamiŭ namieśnik hienieralnaha dyrektara DVA »Minskharcharčpram» Alaksandr Bujčyk na pres‑kanfierencyi 25 maja.
Pavodle jaho słoŭ, inicyjataram fiestyvalu sioleta vystupiła AAT »Harmałzavod № 2», u liku suarhanizataraŭ — DVA «Minskharcharčpram», UP «Minskija haradskija parki», infarmacyjny prajekt »Vialiki košyk».
Meta fiestyvalu — źviarnuć uvahu spažyŭcoŭ na važnaść zdarovaha charčavańnia, stymulavać ich vybar na karyść ajčynnych praduktaŭ. Pradukcyju na fiestyvali prezientujuć harmałzavody №№ 1 (HM «1 Małočny») i 2 («Małočny haściniec» i «Junik»), KUP «Minskchlebpram» («Znatny pačastunak»), AAT «Krynica» (biezałkaholnyja napoi), a taksama ŭdzielniki Mižnarodnaj vystavy‑kirmašu miodu i praduktaŭ pčalarstva »Miadovy kirmaš».
Fiestyval zadumany jak interaktyŭnaje padarožža dla minčan pa »MałočnaSočnaj krainie» — stendach pradpryjemstvaŭ — udzielnikaŭ śviata. Čakajecca, što naviedniki zmohuć daviedacca ab praduktach i handlovych markach pradpryjemstvaŭ i pradehustavać ich pradukcyju.
Padčas fiestyvalu projduć vystupleńni dziciačych tvorčych kalektyvaŭ horada i estradnych vykanaŭcaŭ. «Minskij kuŕjer» arhanizuje fotakonkurs «Sapraŭdny ekśpiert», projdzie hrafici‑plener «Konkurs malunka na asfalcie» na pryzy časopisa »Kačieli» i arhanizataraŭ fiestyvalu, inšyja mierapryjemstvy. Zavieršyć prahramu dyskateka »Rytmy horada».
U miežach fiestyvalu startuje śpiecyjalny prajekt «Miadovaha kirmašu» — kirmaš‑fiestyval pieršaha miodu, jaki budzie doŭžycca da 20 červienia.