Pałata pradstaŭnikoŭ ratyfikavała pahadnieńnie ab KSAR ADKB
Deputaty Pałaty pradstaŭnikoŭ na pasiadžeńni 26 maja ratyfikavali pahadnieńnie ab Kalektyŭnych siłach apieratyŭnaha reahavańnia ADKB.
Jak paviedamiŭ ministr abarony Juryj Žadobin, dakumient byŭ padpisany Biełaruśsiu 15 kastryčnika 2009 hoda z metaj abjadnańnia namahańniaŭ dziaržaŭ — členaŭ ADKB dla supraćstajańnia ŭzbrojenamu napadu, u tym liku ahresii, i supraćdziejańnia inšym vyklikam i pahrozam. Z krain ADKB ad padpisańnia pahadnieńnia ŭstrymaŭsia Uźbiekistan.
U adpaviednaści z dakumientam baki stvarajuć Kalektyŭnyja siły apieratyŭnaha reahavańnia, jakija źjaŭlajucca kampanientam pastajannaj hatoŭnaści sił i srodkaŭ sistemy biaśpieki ADKB.
Pry hetym KSAR nie mohuć vykarystoŭvacca dla vyrašeńnia sprečak pamiž bakami, jakija padpisali pahadnieńnie.
Rašeńnie ab składzie, terminach razhortvańnia i prymianieńnia kantynhientu KSAR budzie prymacca Savietam kalektyŭnaj biaśpieki na padstavie aficyjnaha zvarotu adnaho ci niekalkich bakoŭ na asnovie kansiensusu i zhody bakoŭ, dla jakich pahadnieńnie nabyło moc.
U ADKB uvachodziać Armienija, Biełaruś, Kazachstan, Kyrhyzstan, Rasija, Tadžykistan i Uźbiekistan.