Pad Baranavičami na bazie adpačynku vyjavili šalonaha sabaku
Sabaka zabiahaŭ na terytoryju adnoj z baz adpačynku, raźmieščanych na bierazie vadaschovišča Hać. Adpačyvalniki padkormlivali jaho.
19 maja, paśla taho jak było zaŭvažana, što sabaka staŭ ahresiŭnym i kidajecca na inšych sabak, miascovy jehier adstreliŭ žyviolinu.
U Bresckaj abłasnoj vieterynarnaj łabaratoryi 21 maja ŭ sabaki paćvierdzili dyjahnaz «šalenstva».
Bondar adznačyła, što zaraz dzieviać čałaviek, jakija kantaktavali z žyviolinaj, atrymlivajuć antyrabičnaje lačeńnie.
Na ŭsich bazach adpačynku, raźmieščanych kala nazvanaha vadaschovišča, a taksama ŭ vioscy Jažony, kudy zabiahała sabaka, pravodziacca supraćepidemičnyja i supraćepizaatyčnyja mierapryjemstvy.
Pavodle słoŭ śpiecyjalista, na adras kiraŭnictva ŭsich baz adpačynku rehijonu nakiravany list. U im, u pryvatnaści, nahadvajecca, što kali na terytoryi bazy jość staražavy sabaka, jon pavinien być zarehistravany i štohod atrymlivać vakcynacyju ad šalenstva. U vypadku kali ŭ miescy adpačynku zabiahaje badziažnaja žyviolina, pavinny padavacca zajaŭki na jaje adłoŭ.
Z pačatku hoda na terytoryi Baranavickaha rajona zarehistravany čatyry vypadki šalenstva ŭ žyvioł: dva — u lisic, pa adnym — u vaŭka i sabaki.