Siamion Šapira pryznačany členam Savieta Respubliki
Alaksandr Łukašenka ŭkazam №286 ad 7 červienia ŭ adpaviednaści z častkaj druhoj artykuła 91 Kanstytucyi pryznačyŭ členam Savieta Respubliki Nacyjanalnaha schodu čaćviortaha sklikańnia Siamiona Šapiru, staršyniu Hrodzienskaha abłvykankama.
Pra heta paviedamiła pres‑słužba kiraŭnika dziaržavy.
Nahadajem, 20 maja Šapira ŭkazam prezidenta byŭ vyzvaleny ad pasady ministra sielskaj haspadarki i charčavańnia i pryznačany staršynioj Hrodzienskaha abłvykankama.
Siamion Šapira naradziŭsia 17 červienia 1961 hoda ŭ vioscy Rečań Lubanskaha rajona Minskaj vobłaści. Skončyŭ Biełaruski dziaržaŭny instytut narodnaj haspadarki. Doktar ekanamičnych navuk, prafiesar. Pracavaŭ hałoŭnym ekanamistam saŭhasa «Kamsamolec» (Dziaržynski rajon), staršynioj SKP «Majak» (Dziaržynski rajon), dyrektaram Biełaruskaha navukova‑daśledčaha instytuta ekanomiki i infarmacyi ahrapramysłovaha kompleksu, hiendyrektaram AAT «Ahrakambinat «Dziaržynski». Na pasadzie ministra sielskaj haspadarki i charčavańnia pracavaŭ z krasavika 2008 hoda.