Jak ratavacca ad śpioki?
Miedyki rajać prostyja. ale efiektyŭnyja srodki.
Pry tempieratury vyšejšaj za 26 hradusaŭ kožnyja paŭhadziny treba vypivać šklanku vady.
Miedyki rajać prostyja srodki:
— pić zialonuju harbatu,
— nasić lohkuju, śvietłuju adziežu z naturalnych tkanin,
— chavacca ŭ cieniu,
— jeści marožanaje,
— mienš karystacca kaśmietykaj.
U śpiakotu nie varta pić piva i mocnuju kavu. Pieršaje vyklikaje abiazvodžvańnie, a druhaja — nahruzku na sasudy.
Nie rajać daktary pić mocnyja ałkaholnyja napoi, navat u kaktejlach. U spałučeńni sa śpiakotaj heta moža vyklikać spynieńnie serca.
Pry tempieratury vyšejšaj za 26 hradusaŭ kožnyja paŭhadziny treba vypivać šklanku vady.
Astudzić pavietra ŭ pamiaškańniach dapamohuć i jomistaści z vadoj. Karysna ŭ śpiakotnyja dni pyrskać u pamiaškańni pulvieryzataram, kłaści na plečy mokruju chustku, prymać chałodny duš.
Pry paharšeńni samaadčuvańnia varta raz na dźvie hadziny palažać na kanapie — heta dapamoža źnizić cisk u sasudach.
Hetyja parady lohka vykanać doma i na pracy. A što rabić tym, chto ŭ takuju śpioku pavinien šmat času pravodzić za styrnom?
Panizić tempieraturu ŭ mašynie možna niekalkimi sposabami. Samy prosty — vykarystoŭvać štorki dla abarony ad sonca. Taksama varta čaściej myć mašynu. Čym bolš brudu na kuzavie i škle, tym horš ad ich adlustroŭvajecca soniečnaje śviatło i tym chutčej mašyna nahrajecca.
Nie zaharajcie praźmierna!
Praźmierny zahar sušyć skuru i paskaraje praces stareńnia. Bieśpierapynnaje zaharańnie moža vyklikać rak.
Soniečnaja radyjacyja razburaje kałahienavyja vałokny, što pamianšaje ełastyčnaść skury. Ultrafijaletavyja promni pranikajuć hłybiej — u dermu — i vyklikać niekantralavanyja źmieny ŭ epidermisie, asłablajuć imunnyja miechanizmy skury. Źjaŭlajucca novyja radzimki. U kancy hetaha śpisu — miełanoma i inšyja navatvory.
Para paradaŭ nakont kandycyjaniera i vientylatara
Samy prosty vychad — kupić vientylatar. Kali pad jaho pakłaści niekalki butelek z vadoj, papiarednie zamarožanych u marazilniku, atrymajecca jašče i chałodnaje pavietra. Nabyvajučy vientylatar źviartajcie ŭvahu na ŭzrovień šumu, abaronu ad papadańnia vady ŭnutr miechanizmu.
Kandycyjaniery isnujuć dvuch typaŭ — stacyjanarnyja kampresarnyja i lohkija mabilnyja. Apošnija nie patrabujuć papiaredniaj ustanoŭki.