U subotu ŭ Minsku projdzie masavaje fizkulturna‑spartyŭnaje śviata
Jak paviedamiŭ žurnalistam pieršy namieśnik načalnika ŭpraŭleńnia pa fizičnaj kultury, sporcie i turyźmie Minharvykankama Juryj Šakoła, mierapryjemstvy projduć na praśpiekcie Pieramožcaŭ — ad Doma fizkulturnika da steły «Minsk — horad‑hieroj». Hałoŭnaj padziejaj śviata budzie čatyrochhadzinnaja fitnies‑kanfierencyja, na jakoj majstar‑kłas dla ŭsich achvotnych daść kiraŭnik fitnies‑kłuba «Bahira» Natalla Navažyłava.
Buduć arhanizavany spabornictvy pa adzinaborstvach, valejbole, pieraciahvańni kanata, hiravym sporcie, armreślinhu, chutkasnym i fihurnym katańni na rolikavych kańkach, strytbole. Hledačy zmohuć ubačyć pakazalnyja vystupleńni spartsmienaŭ‑asiłkaŭ, pa ŭschodnim adzinaborstvie, spartyŭnych tancach i himnastycy, akrabatycy.
Na vieładarožcy projduć spabornictvy pa rovarnym spryncie na dystancyi 100 mietraŭ. Ad Pałaca sportu da steły buduć prachodzić spabornictvy pa minifutbole, a na akvatoryi raki Śvisłačy — pa parusnym sporcie.