«Noč pažyralnikaŭ rekłamy» — štotydzień

Prajekt «Noč pažyralnikaŭ rekłamy» ŭžo daŭno palubiŭsia publicy va ŭsim śviecie. U hetym hodzie spaŭniajecca 30 hadoŭ z dnia pieršaj demanstracyi ŭ Paryžy rolikaŭ sa znakamitaj kalekcyi francuza Žana Mary Bursiko. Z 2000 hodu pakazy arhanizujucca i ŭ Minsku. Adnak kali raniej jany prachodzili niačasta, to ŭžo chutka padborki maleńkich rekłamnych šedeŭraŭ možna budzie hladzieć kožny tydzień. «Noč pažyralnikaŭ rekłamy» atrymaje prapisku ŭ novym art-kinateatry Rubin Plaza, jaki adkryjecca ŭ stalicy Biełarusi hetym letam.

Ideja abjadnać dva ŭłasnych prajekty ŭźnikła ŭ kiraŭnika kampanii «Industryja rekłamy» Alaksandra Nikałajčuka. «Apošnim časam my ŭziali paŭzu ŭ praviadzieńni „Nočy pažyralnikaŭ rekłamy“ i čakali adkryćcia svajoj placoŭki, — kaža Alaksandr Nikałajčuk. — Najlepšaja rekłama z usiaho śvietu stanie vydatnym dadatkam da kinapakazu ŭ Rubin Plaza. Akramia taho, ubačyć roliki zmohuć usie achvotnyja. Raniej heta było prablemaj. Jak praviła, kvitki na pakazy ŭ vialikaj zale Pałaca Respubliki raskuplali za try dni da mierapryjemstva».

Novy kinateatr premijum-kłasa Rubin Plaza adkryjecca ŭ adnajmiennym handlova-zabaŭlalnym centry pa adrasie: praśpiekt Dziaržynskaha, 5.

Pieršy ŭ biełaruskaj stalicy pryvatny art-kinateatr budzie składacca ź dźviuch ličbavych załaŭ: na 94 i 54 miescy. U adnoj zale buduć demanstravacca najnoŭšyja suśvietnyja premjery ŭ supierpapularnym farmacie 3D. Inšaja zała kinateatra budzie aryjentavanaja na art-chaus i tematyčnyja prahramy.

Kamientary da artykuła