Jeŭrakamisija praciahvaje sačyć za hazavym kanfliktam Biełarusi i Rasii
Pra heta 25 červienia na štodzionnym bryfinhu ŭ Brusieli zajaviła Marlin Chołcnier, pres‑sakratar jeŭrakamisara pa pytańniach enierhietyki Hiuntera Etynhiera.
Pavodle słoŭ Chołcnier, pastaŭki rasijskaha hazu cieraz terytoryju Biełarusi ranicaj 25 červienia ažyćciaŭlalisia ŭ poŭnym abjomie. Jana zapeŭniła, što ES znachodzicca ŭ pastajannym kantakcie z uradami Biełarusi i Rasii.
25 červienia Alaksandr Łukašenka zajaviŭ, što daje Maskvie sutki na pahašeńnie ŭ poŭnym abjomie zapazyčanaści za tranzit hazu. Napiaredadni «Hazprom» atrymaŭ ad Biełarusi 187 młn. dalaraŭ doŭhu za pastaŭleny ŭ 2010 hodzie haz i ŭ poŭnym abjomie adnaviŭ hazavyja pastaŭki.
U svaju čarhu, «Hazprom» pieraličyŭ Minsku 228 młn. dalaraŭ za tranzit hazu, ale Minsk patrabavaŭ 260 młn. i praciahvaje nastojvać na hetaj ličbie. Raźbiežka ŭźnikła ŭ suviazi z roznymi pohladami bakoŭ na staŭku tranzitu: u Biełarusi havorać pra 1,88 dalara za tysiaču kubamietraŭ hazu na 100 km, u Rasii — pra 1,45 dalara.