BRSM sabraŭ humanitarnuju dapamohu «Hazpromu»
Biełaruski respublikanski sajuz moładzi sabraŭ humanitarnuju dapamohu rasiejskaj kampanii «Hazproma» dla apłaty rachunkaŭ za tranzit hazu praz terytoryju Biełarusi. Akcyja «Dapamožam, čym možam, rasiejskamu «Hazpromu»!» pačałasia 25 červienia.
«Biełaruskaja moładź spadziajecca, što takaja terminovaja humanitarnaja dapamoha dapamoža, napeŭna, samaj biednaj arhanizacyi Rasiei nie tolki raźličycca ź biełarusami za tranzit, ale i ŭ dalejšym ŭrehulavać usie sprečnyja momanty haspadarčaj dziejnaści
Aktyvisty arhanizacyi źbirali humanitarnuju dapamohu ŭ centry Minska, u tym liku, kala kinateatra «Maskva».
«Humanitarnaja dapamoha — navat apošnija kašuli, jakija źniali sa svajho cieła maładyja ludzi, ramiani dla padtrymańnia štanoŭ, jakija prynieśli vieterany Vialikaj Ajčynnaj vajny, rečy, jakija pieradali biełarusy, i sabranyja srodki buduć adpraŭlenyja ŭ «Hazprom» śpiecyjalnymi banderolami, adznačyli ŭ BRSM.