Kyrhyzstan iznoŭ patrabuje vydać Bakijeva
Kiraŭnik nacyjanalnaj słužby biaśpieki hetaj krainy źbirajecca «atakavać Biełaruś da čakanaha vyniku».
Kyrhyzstan nakiravaŭ druhi zapyt u Biełaruś na ekstradycyju byłoha prezidenta Kurmanbieka Bakijeva. Pra heta paviedamiŭ 13 lipienia kiraŭnik Dziaržaŭnaj słužby nacyjanalnaj biaśpieki Kyrhyzstana Kienešbiek Dušabajeŭ.
K.Bakijeŭ paśla svajoj pieršaj pres-kanfierencyi ŭ Minsku. Fota Ju.Daraškievič.
«Kyrhyzstan, niahledziačy ni na što, budzie patrabavać u Biełarusi ekstradycyi Kurmanbieka Bakijeva, — cytuje Dušabajeva infarmahienctva 24.kg. — Kali ŭ hety raz nie budzie stanoŭčaha vyniku, my nie budziem adčajvacca i praciahniem atakavać Biełaruś da čakanaha vyniku».
Kurmanbiek Bakijeŭ ź nieaficyjnaj žonkaj i dvuma małaletnimi dziećmi znachodzicca ŭ Biełarusi z 19 krasavika pa zaprašeńni Alaksandra Łukašenki. Za hety čas jon trojčy davaŭ
U traŭni kiraŭnik časovaha ŭrada Kyrhyzstana Roza Atunbajeva padpisała dekret ab pazbaŭleńni Kurmanbieka Bakijeva prezidenckaj niedatykalnaści na padstavie kryminalnaj spravy, pa jakoj jon abvinavačvajecca ŭ arhanizacyi zabojstvaŭ i złoŭžyvańni słužbovym stanoviščam. Hienprakuratura Kyrhyzstana źviartałasia ŭ Hienprakuraturu Biełarusi z zapytam ab vydačy Bakijeva, ale atrymała admovu.