Bieł-čyrvona-bieły ściah u honar Hrunvalda

Minułaj nočču ŭ Viciebsku na vulicy «Praŭdy» załunaŭ bieł-čyrvona-bieły ściah.

Jon byŭ vyviešany kala 23.30 na elektryčnych dratach niedaloka ad Kambinata mastactvaŭ. I bačyć ściah mahli minaki, jakija viartalisia z kancertaŭ «Słavianskaha bazaru» abo tyja, chto prosta prahulvaŭsia pa horadzie.

Pavodle viciebskaha apazycyjanera Barysa Chamajdy, da ściaha była prymacavana cydułka: «Da 600-hodździa histaryčnaj pieramohi pad Hrunvaldam. 15 lipienia 1410 hdu abjadnanyja siły VKŁ i Polščy pry ŭdziele českich vajaroŭ i tatarskich atradaŭ uščent raźbili kryžakoŭ Teŭtonskaha ordenu. Vojskami VKŁ kiravaŭ Vialiki kniaź Vitaŭt. Viečnaja słava hierojam! Žyvie Biełaruś! Žyvie viečna! Miron».

Spadar Chamajda kaža, što źmiest cydułki viadomy jamu z krynicaŭ, vartych davieru. Što da ściaha, to jon łunaŭ nad Viciebskam niadoŭha — ŭrańni jaho ŭžo nie było.

Kamientary da artykuła