Siońnia nacyjanalnaje śviata Francyi – dzień uziaćcia Bastylii
Dzień uziaćcia Bastylii — francuzskaje nacyjanalnaje śviata, jakoje adznačajecca 14 lipienia i pryśviečanaje Vialikaj francuzskaj revalucyi, a mienavita dniu ŭziaćcia krepaści Bastylii, nienavisnaj turmy. Heta adbyłosia ŭ 1789 h.
Pastanova ab śviatkavańni hetaj daty była pryniataja 6 lipienia 1880 hodu.
Štohod aficyjnaja prahrama śviatkavańnia praduhledžvaje sieryju mierapryjemstvaŭ, u tym liku Vialiki Bal, jaki adbyvajecca 13 lipienia ŭ sadzie Ciuilry. U sam dzień Bastylii prachodzić uračysty vajenny parad na Jelisiejskich palach. Parad tradycyjna pačynajecca ŭ 10 hadzin ranicy z płoščy Etual i ruchajecca ŭ bok Łuŭra. Jaho asabista prymaje prezident Francyi.
Na płoščy Kankord, nasuprać Tryŭmfalnaj arki, raźmiaščajucca admysłovyja miescy dla hledačoŭ. Finałam śviata stanovicca vialiki fiejervierk la Ejfielevaj viežy i Marsovaha pola.